1 post tagged “大白”
今日大白又唔啋我.去到時佢已出籠.
呢排唔知做乜,D工友成日放佢出黎.
俾多D自由佢係好,不過果度環境又真係幾亂.
睇黎大白知道路番籠,亦知道咩地方可以去,邊度唔可以去.
話哂貨倉,唔係絕對安全.
細路,睇路,小心呀.
拎住袋草,搵唔到.叫幾聲又冇兔應.
以為只能放低草,見唔到佢.
忽然又見佢係舊梳化底捐出黎.係咪呢,都話佢....認得人.
話唔定,可能掛住我添呢...(又發夢喇....)
不過今日佢唔跟我喇.
仲要叫極唔啋.後尾仲索性捐到梳化底好入好入.
烏低頭係咁裝先見到佢細半個屁股.
因為新手機影相麻麻,而且大白郁得極快.
又估唔到佢跳去邊....影得黎已經唔知標左去邊.
呢幾次去都冇乜影相.
呢個禮拜工作鬆動,有時間心情,可以探多d.
